لاہور(صباح نیوز)پنجاب کے سابق وزیرِاعلی چودھری پرویز الہی کو غیر معمولی سیکیورٹی انتظامات کے تحت راولپنڈی کی اڈیالہ جیل سے لاہور کی کوٹ لکھپت جیل منتقل کردیا گیا۔سابق وزیرِاعلی پنجاب کو کوٹ لکھپت جیل میں بی کلاس دی گئی ہے۔ جیل ذرائع کے مطابق پرویزالہی کو عدالت میں پیشی کے لیے کوٹ لکھپت جیل منتقل کیا گیا ہے۔پرویز الٰہی کے خلاف اینٹی کرپشن لاہور میں مقدمات زیرِالتوا ہیں۔ سابق وزیرِ اعلی پنجاب اس سے پہلے بھی کوٹ لکھپت جیل میں بند رہے ہیں۔
