مزید خبریں

الخدمت کی جانب سے غزہ کے زخمیوں و مہاجرین کیلیے عیدکے تحائف

قاہرہ( مانیٹرنگ ڈیسک) فلاحی اور سماجی تنظیم الخدمت فاؤنڈیشن پاکستان کے صدر ڈاکٹر حفیظ الرحمن نے قاہرہ اور مصر میں غزہ کے زخمیوں اور مہاجرین کے ساتھ عید الفطر منائی۔اعلامیے کے مطابق ڈاکٹر حفیظ الرحمن نے قاہرہ اور مصر کے مختلف اسپتالوں میں غزہ میں اسرائیلی درندگی سے زخمی ہونے والوں سے عید الفطر کے روز ملاقات کی۔ الخدمت فاؤنڈیشن کے سربراہ نے زخمیوں اور عیادت کے لیے آئے لوگوں میں تحائف بھی تقسیم کیے اور غزہ میں جاری درندگی کے جلد خاتمے کی دعا کی۔ڈاکٹر حفیظ الرحمن نے زخمیوں اور بیماریوں کی جلد صحت یابی اور شہدا کی کامل مغفرت کے لیے بھی دعا کی۔ انہوں نے امید ظاہر کی کہ اللہ رب العزت شہدا کی قربانیوں کو اپنی بارگاہ میں قبول کر کے انہیں جنت الفردوس میں جگہ عطا فرمائے گا اور القدس کی حفاظت فرمائے گا۔غزہ کے زخمیوں اور اْن کے رشتے داروں نے عید کے موقع پر یاد رکھنے و تحائف تقسیم کرنے پر الخدمت فاؤنڈیشن کا شکریہ بھی ادا کیا۔اس کے علاوہ انہوں نے فلسطینی بچوں میں عید الفطر کی مناسبت سے تحائف بھی تقسیم کیے۔