لاہور (آن لائن) وزیراعلیٰ پنجاب مریم نواز شریف نے صوبائی دارالحکومت کے تمام واٹر فلٹریشن پلانٹس کو فعال کرنے کا حکم دے دیا۔وزیراعلیٰ پنجا ب مریم نواز کی زیر صدارت اجلاس ہوا جس میں لاہور کی تعمیر و ترقی، واسا، سینی ٹیشن اور دیگر امور پر تفصیلی بریفنگ دی گئی۔مریم نواز نے لاہور کی تعمیر و ترقی کے منصوبوں کی ہنگامی بنیادوں پر تکمیل کیلیے تین ماہ کی ڈیڈ لائن دے دی۔وزیراعلی ہر 10دن کے بعد لاہور کی تعمیر و ترقی کے پلان پر عملدرآمد کا جائزہ لیں گی، منصوبے کے تحت لاہور کی تمام چھوٹی بڑی سڑکوں کی تعمیر ومرمت کی جائے گی۔