اسلام آباد ( نمائندہ جسارت ) نائب امیر جماعت اسلامی پاکستان وسابق رکن قومی اسمبلی میاں محمد اسلم نے کہا ہے کہ حکومت نے فیول ایڈجسٹمنٹ کی مد میں بجلی ٹیرف میں مزید اضافہ کر کے مہنگائی کے مارے عوام پر ایک اور ڈرون حملہ کر دیاہے،جس سے بجلی کی چوری اور کر پشن میں مزید اضافہ ہو گا، جماعت اسلامی نے 2ستمبر کی ملک گیر شٹرڈا¶ن ہڑتال سے بجلی ٹیرف میں اضافے کے خلاف جس احتجاجی تحریک کا آغاز کیا تھا، اس میں مزید تیزی لائی جا ئے گی،انھوں نے کہا کہ سودی نظام،کرپشن، وسائل کی غیرمنصفانہ تقسیم اور وی آئی پی کلچر کا خاتمہ کر کے ہی ملکی معیشت کو بہتر بنا یا جا سکتا ہے۔ان خیا لا ت کا اظہار انھوں نے پنجا ب کیش اینڈ کیری کی نئی برانچ کی افتتاحی تقریب سے خطاب کر تے ہو ئے کیا، اس موقع پر پنجاب کیش اینڈ کیری کے سی ای او طاہر چودھری،امیر جماعت اسلامی اسلام آباد نصر اللہ رند ھاوا، مرکزی تنظیم تاجران پاکستان کے صدر محمد کاشف چودھری، سید عمران بخاری بھی مو جو د تھے۔میاں محمد اسلم نے کہاکہ ملک میں ڈالر اور پیٹرولیم مصنوعات کی قیمتوں میں کمی کے فوائد عوام تک نہیں پہنچے بلکہ اس کا فائدہ بھی مافیاز ہی کو ہوا ہے، نگراں حکمران بھی سابق حکمرانوں کا تسلسل ہی ہیں،نگرانوں کو بھی آئی ایم ایف نے بجلی کے بلوں کی قسطوں میں ادا کر نے کی اجازت نہیں دی،یہ ملک کی آزادی اور خود مختاری پر سوالیہ نشان ہے، انھوں نے کہا کہ جماعت اسلامی کی بجلی کے بلوں، ڈالر اورپیٹرولیم مصنوعات کی قیمتوں میں کمی کے فوائد عوام تک پہنچنے اور عوام کو ریلیف ملنے تک پرامن جمہوری جدوجہد جاری رہے گی۔
بجلی ٹیرف میں اضافہ عوام پر ڈرون حملہ ہے‘میاں اسلم
