حیدرآباد(اسٹاف رپورٹر) پاکستان میں یورپی یونین کی انسانی امداد کی سربراہ، تاہینی تھمناگوڈا کا کہنا ہے کہ پاکستان دنیا کے سب سے زیادہ آفات کے شکار ممالک میں سے ایک ہے، اور آفات کے بعد مقامی آبادیوں کی مدد کرنا اور انہیں مستقبل میں موسمیاتی جھٹکوں کا سامنا کرنے کے لیے تیار کرنا ہمارے لیے اولین ترجیح بن گیا ہے۔انہوں نے کہاکہ یورپی یونین فنڈنگ نقد امداد کے ذریعے پاکستان کی سیلاب سے متاثرہ آبادیوں کو بااختیار بناتی ہے اقوام متحدہ کے عالمی ادارہ خوراک(ڈبلیو ایف پی)نے 2023 ءمیں صوبہ سندھ کے سات اضلاع میں مختلف ضروریات زندگی کے مقاصد کو پورا کرنے کے لیے نقد رقم کے ذریعے سیلاب سے متاثرہ 180,000 سے زیادہ لوگوں کی مدد کی۔ یہ اہم مدد یورپی یونین کے شعبہ انسانی امداد کے آپریشنز کے 3 ملین یورو کے تعاون سے ممکن ہوئی. ہے۔عالمی ادارہ خوراک کی نقد امداد جامشورو، مٹیاری، میرپورخاص،
نوشہرو فیروز، سانگھڑ، شہید بینظیر آباد، اور عمرکوٹ کے تباہ کن سیلاب سے سب سے زیادہ متاثر ہوئے خاندانوں کے لیے زندگی کی امنگ رہی ہے۔ امداد نے انہیں خوراک، صحت کی دیکھ بھال، تعلیم اور رہائش کو محفوظ بنانے کے قابل بنایا ہے۔اس کے علاوہ، بہت سے گھرانوں نے نہ صرف نقد رقم کو اپنی فوری ضروریات کے لیے استعمال کیا ہے، بلکہ اپنے کاروبار اور دیگر ذریعہ معاش کو دوبارہ تعمیر کرنے کے لیے بھی استعمال کیا ہے جو سیلاب کی وجہ سے معطل/ تباہ ہو گئے تھے۔”ڈیڑھ سال بعد، بہت سے لوگ اب بھی 2022ءکے تباہ کن سیلاب سے ہونے والے نقصانات سے نمٹنے کے لیے کوشش کررہے ہیں۔ عالمی ادارہ خوراک جیسے شراکت داروں کے ساتھ مل کر، یورپی یونین نے انتہائی کمزور لوگوں کو ہنگامی امداد کے ساتھ نازک وقت میں مدد فراہم کی۔” “2022 کے سیلاب نے پاکستان کے لوگوں کی زندگیوں اور معاش میں ایک مستقل داغ چھوڑا ہے۔ انسانی ہمدردی کے لیے کام کرنے والوںاور یورپی یونین جیسے عطیہ دینے والوں کے تعاون سے، سیلاب سے متاثرہ آبادیوں کو زندگی بچانے اور برقرار رکھنے کے لیے نقد رقم اور خوراک کی امداد فراہم کی گئی۔اب وقت آگیا ہے کہ مستقبل کے جھٹکوں سے قبل ہی سنبھلنے کی صلاحیت پیدا کرنے میں سرمایہ کاری کی جائے۔ عالمی ادارہ خوراک پاکستان کی نمائندہ اور کنٹری ڈائریکٹر، کوکو اوشیاما کہتی ہیں کہ ملک کی مثبت مثالوں پر عمل کرتے ہوئے، ڈبلیو ایف پی خوراک کی حفاظت کے ساتھ ساتھ غذائیت کو یقینی بنانے اور ہمارے اجتماعی مستقبل کے لیے شراکت داری کو بڑھانے کا منتظر ہے۔2022 کے سیلاب میں 1,700 سے زیادہ جانیں گئیں جس سے ملک بھر میں 33 ملین سے زیادہ لوگ متاثر ہوئے۔ صوبہ سندھ، جو دریائے سندھ کے طاس کے مرکز میں ہے، سب سے زیادہ متاثرہ صوبہ تھا، جو کل نقصانات کا تقریبا 70 فیصد ہے۔حکومت کے امدادی اور بازیابی کارروائیوں کی معاونت کرنے کیلےے، عالمی ادارہ خوراک نے اپنے لاجسٹکس، خوراک اور نقد مدد اور سنبھل جانے کی صلاحیت پیدا کرنے کی مہار ت کا استعمال کرتے ہوئے فورا ضروریات کا جواب دینے اور سیلاب متاثرہ لوگوں کی بحرانی کو دور کرنے میں مدد فراہم کی
