مزید خبریں

Jamaat e islami

چیف الیکشن کمشنر ہمیں سندھ میں لیول پلیئنگ فیلڈ دیں، بشیر میمن

کراچی (آن لائن)مسلم لیگ ن سندھ کے رہنما بشیر میمن کا کہنا ہے کہ مقبول باقر بہترین جج رہے لیکن بیورو کریسی نے انہیں یرغمال بنایا ہوا ہے۔الیکشن کمیشن کے باہر میڈیا سے گفتگو کرتے ہوئے بشیر میمن نے کہا کہ چیف الیکشن کمشنر سے درخواست کی ہے کہ ہمیں سندھ میں لیول پلیئنگ فیلڈ دیں۔انہوں نے کہا کہ ہم نے نگراں وزیرِ اعلیٰ سندھ کے اسٹاف سے کہا کہ ملاقات کرنا چاہتے ہیں، اسٹاف نے نگراں وزیر اعلیٰ سندھ کو ہماری درخواست کا نہیں بتایا۔بشیر میمن کا کہنا ہے کہ نگراں وزیر اعلیٰ سندھ ہمیں وقت دے دیتے تو ہم آج الیکشن کمیشن نہ آتے، نگراں وزیرِ اعلیٰ سندھ سسٹم کے ہاتھوں یرغمال ہیں۔مسلم لیگ ن کے رہنما نے یہ بھی کہا کہ سندھ میں بیورو کریسی وزیرِ اعلیٰ کو مس گائیڈ کرتی ہے۔