کراچی (پ ر) اگرچہ ہماری کسی سے کوئی دشمنی نہیں ہے لیکن گزشتہ پانچ سالوں میں ہمارے خاندان کے تین افراد کو قتل کیا جا چکا ہے۔ 2017 میں ہمارے دو افراد جبکہ 25 ستمبر 2023 کو ہمارے 50 سالہ بزرگ غلام سرور چانڈیو ولد غلام محمد چانڈیو کو قتل کر دیا گیا۔ پولیس بااثر افراد کے کہنے یا دباؤ پر ملزمان کو گرفتار نہیں کرتی۔ ہم نگران وزیر اعلیٰ سندھ، آئی جی سندھ، ڈی آئی جی دادو اور دیگر حکام سے اپیل کرتے ہیں کہ ہمارے مقدمے کی ایف آئی آر درج کرکے کیس کی شفاف تحقیقات کرکے ملزمان کو قرار واقعی سزا دی جائے اور ہمیں انصاف اور تحفظ فراہم کیا جائے۔ ان خیالات کا اظہار غلام سرور چانڈیو کے لواحقین نے کراچی پریس کلب میں پریس کانفرنس کرتے ہوئے کیا۔ انہوں نے الزام عائد کیاکہ یہ تمام قتل نادر مگسی ولد سیف اللہ مگسی کے حکم پر کیے گئے۔ 25 ستمبر 2023 کو ہمارا 50 سالہ غلام سرور چانڈیو ولد غلام محمد چانڈیو جو گھریلو سامان لے کر گھر واپس آرہے تھے‘ میہڑ کے قریب تھانہ بی سیکشن میں بٹو جتوئی روڈ پر پہنچا تو تین مسلح افراد نے ان پر حملہ کر دیاآم کے باغات کی جگہ لوگوں نے انہیں گولی مار کر ہلاک کر دیا۔ ہم نے مقدمہ درج کرنے کے لیے لاش کو تھانہ مہر کے سامنے رکھ کر کئی گھنٹے تک احتجاج کیا لیکن پولیس نے ہماری شکایت پر مقدمہ درج کرنے کے بجائے اپنے تھانے میں مقدمہ درج کر لیا۔ پولیس اور انتظامیہ کی جانبداری کی وجہ سے ہمارے اہل خانہ کے جان و مال محفوظ نہیں، ہم عدم تحفظ کا شکار ہیں۔ ہم چیف جسٹس آف پاکستان، نگراں وزیراعظم، نگراں وزیراعلیٰ سندھ، آئی جی سندھ، ڈی آئی جی دادو، ایس ایس پی دادو سے اپیل کرتے ہیں کہ ہماری جان و مال کے حفاظت کی جائے اورمرکزی ملزمان کے خلا ف ایف آئی آر درج کی جائے واقعے کی غیر جانبدار تفتیشی افسر سے تفتیش کرائی جائے اور ملزمان کو گرفتار کر کے کیفر کردار تک پہنچایا جائے۔
