کراچی (اسٹاف رپورٹر) ایف آئی اے امیگریشن نے کراچی ائر پورٹ پر کارروائی کرتے ہوئے جعلی سفری دستاویزات پر سفر کرنے والے مسافر کو آف لوڈ کردیا۔ مہمند ایجنسی کا رہائشی ضیاء اللہ پرواز نمبر QR611 سے اٹلی جا رہا تھا جسے گرفتار کر لیا گیا، مسافر کی جانب سے پیش کیا جانے والا اٹلی کا ریزیڈنٹ کارڈ جعلی نکلا۔ ابتدائی تفتیش کے مطابق نے مذکورہ کارڈ ایجنٹ سے 12 لاکھ روپے کے عوض حاصل کیا تھامسافر کو بعدازاں مزید تفتیش اور ایجنٹ کی نشاندہی کے حوالے سے اینٹی ہیومن ٹریفیکنگ سرکل کراچی منتقل کر دیا گیا۔
