کراچی (اسٹاف رپورٹر) دھابیجی پر کراچی کو پانی فراہم کرنے والی لائن پھٹ گئی۔ 72 انچ قطر کی پائپ لائن نمبر5 بیک پریشر کے باعث پھٹی، اس لائن سے کراچی کو پانی فراہم کیا جاتا ہے۔ ٹھٹھہ میں دھابیجی پمپنگ اسٹیشن پر بجلی کے بڑے بریک ڈاؤن سے لائن پھٹ گئی۔ واٹرکارپوریشن نے بتایا کہ پائپ لائن پھٹنے سے پمپنگ اسٹیشن کے 19 پمپ بند ہوگئے جبکہ2 روز قبل بھی بجلی کے بریک ڈاؤن سے پمپنگ اسٹیشن کی2 پائپ لائنیں پھٹ گئی تھیں۔ واٹرکارپوریشن کے مطابق پائپ لائن پھٹنے سے کراچی کے مختلف علاقوں میں پانی کی قلت کا خدشہ ہے۔
