لاہور (آن لائن) لاہور کی انسداد دہشت عدالت نے نو مئی کے واقعات میں جناح ہاو¿س حملے اور جلاو¿ گھیراو¿ کے الزام میں درج مقدمات میں روپوش 28 ملزمان کو اشتہاری قرار دیتے ہوئے ان کے اشتہار جاری کرنے کا حکم دے دیا۔انسداد دہشت گردی عدالت کی ایڈمن جج عبہر گل خان نے کیس پر سماعت کی دوران سماعت تفتیشی افسران نے عدالت کو آگاہ کیا کہ ملزمان جان بوجھ کر روپوش ہو چکے ہیں، استدعا ہے کہ عدالت ملزمان کے خلاف اشتہاری قرار دینے کی کارروائی کرے کیونکہ ان کے خلاف تھانہ سرور روڈ میں مقدمہ درج ہے جس پرعدالت نے ملزم اعجاز اسلم، مطیع اللہ، سدرہ گیلانی سمیت 28 ملزمان کے اشتہار جاری کرتے ہوئے سماعت 14 اکتوبر تک ملتوی کردی۔علاوہ ازیں لاہور کی انسداد دہشت گردی عدالت نے نو مئی کے واقعات میں جناح ہاﺅس پر حملہ اور جلاو¿ گھیراو¿ کے الزام میں گرفتار تحریک انصاف کی رہنما روبینہ جمیل کی درخواست ضمانت پر فریقین کو نوٹس جاری کرتے ہوئے سماعت 25 ستمبر تک ملتوی کردی۔ انسداد دہشت گردی عدالت کے جج ارشد جاوید نے کیس کی سماعت کی عدالت نے آئندہ سماعت پر تفتیشی افسر سے مقدمے کا مکمل چالان بھی طلب کرلیا۔
