مزید خبریں

Jamaat e islami

پنجاب میں دکانیں رات9بجے بند کرنے کی پابندی ختم

لاہور (نمائندہ جسارت)پنجاب حکومت کا تاجر برادری کو فوری ریلیف دیتے ہوئے کاروباری مراکز کے اوقات کار کی پابندی ختم کرنے کا فیصلہ، نوٹیفکیشن جاری کر دیا گیا۔محکمہ لیبر نے پنجاب میں بازار رات 9 بجے بند کرنے سے متعلق نوٹیفکیشن معطل کردیا۔ذرائع کے مطابق وزیراعلیٰ پنجاب نے کاروبار کے اوقات کار کی پابندی ختم کرتے ہوئے کاروباری مراکز اور دکانوں کیلئے رات 9 بجے کی بندش کی پابندی ختم کرنے کا فیصلہ کیا ہے۔پنجاب میں آج سے تاجر رات گئے تک کاروبار کرسکیں گے، فیصلے کے مطابق کاروباری مراکز، مارکیٹیں اور دکانیں اتوار کو بھی کھلی رہیں گی، وزیرصنعت اسلم اقبال اورتاجر رہنما ناصر سلمان کی سربراہی میں کمیٹی قائم کر لی گئی ہے۔ذرائع کے مطابق بنائی گئی کمیٹی تاجر برادری کے مسائل کے حل کیلئے سفارشات پیش کرے گی۔