مزید خبریں

Jamaat e islami

ارشد ندیم کے گائوں میاں چنوں میں جشن، مٹھائیاں تقسیم ،دوستوں کا ہلہ گلا

میاں چنوں(جسارت نیوز)کامن ویلتھ گیمز کے جویلین تھرو مقابلے میں گولڈ میڈل جیتنے والے ارشد ندیم نے آبائی گائوں میاں چنوں میں جشن کا سماں ہے۔ارشد ندیم کے گھر پر مبارکباد دینے والوں کی آمد کا سلسلہ جاری ہے جب کہ علاقے میں مٹھائیاں بھی تقسیم کی جا رہی ہیں، اس موقع پر قومی ایتھلیٹ کے دوستوں کی جانب سے ہلا گلا بھی کیا گیا۔ایتھلیٹ کے بھائی علیم نے کہا کہ ارشد ندیم نے پاکستان کا نام روشن کیا، دوسرے بھائی شاہد کا کہنا ہے کہ بازو میں انجری کے باوجود ارشد نے پاکستان کا پرچم بلند کیا۔والد ارشد ندیم نے بھی بیٹے کی کامیابی پر اظہار خیال کرتے ہوئے کہا کہ ارشد کی کامیابی پوری قوم کی کامیابی ہے۔ارشد کی والدہ نے کہا کہ بیٹے کی کامیابی پر اللہ تعالی کی شکر گزار ہوں، طلائی تمغہ جیت کر بیٹے نے سر فخر سے بلند کر دیا ہے۔