لاڑکانہ(نمائندہ جسارت بلوچستان میں امدادی کارروائی کے دوران ہیلی کاپٹر حادثے میں شہید ہونے والے میجر سعید کی نمازِ جنازہ ادا کردی گئی۔شہید میجر سعید کونماز جنازہ کے بعد لاڑکانہ کے قریب گاو¿ں سجاول تنیو میں سرکاری اعزاز کے ساتھ سپرد خاک کیا گیا۔شہید میجر سعید کے والد نے بیٹے کی وردی کو چوما تو ایک جوان آفیسر نے ان کی حوصلہ افزائی کرتے ہوئے میجر شہید سعید کے والد کا ماتھا چوم کر انہیں سلیوٹ پیش کیا۔یاد رہے کہ گزشتہ دنوں بلوچستان میں لاپتا ہونے والے ہیلی کاپٹر کا ملبہ لسبیلہ کے علاقے وندر سے ملا تھا جبکہ ہیلی کاپٹر حادثے میں کور کمانڈر کوئٹہ سمیت تمام 6 افسران و جوانوں کی شہادت کی تصدیق کی گئی تھی جن کی آخری رسومات ادا کر دی گئی ہیں۔