اسلام آباد (صباح نیوز) وفاقی وزیر برائے اطلاعات و نشریات مریم اورنگزیب نے کہا ہے کہ گالی، دھمکی کے دن گزر گئے، آرام کریں، منہ بند رکھیں اور کام کرنے دیں، پاکستان کے عوام چور منافق اور جھوٹوں کی سیاست کو مسترد کرچکے ہیں، عمران خان کا انتخابی فریم ورک2018، خیبر پختونخوا، آزاد کشمیر، گلگت بلتستان، سینیٹ اور ڈسکہ الیکشن میں نظر آ گیا تھا، 4 سال انتخابی فریم کہاں تھا؟ اپنے ٹوئٹ میں مریم اورنگزیب نے کہا کہ عمران خان ملک میں سیاسی عدم استحکام کے ذریعے معاشی عدم استحکام پیدا کرنا چاہتے ہیں۔
