اسلام آباد(نمائندہ جسارت) وفاقی وزیر خزانہ مفتاح اسماعیل نے کہا ہے کہ جو اقدامات اٹھائے اس پر کوئی شرمندگی نہیں ہے،ملک کو دیوالیہ ہونے سے بچانے کے لیے یہ اقدام اٹھائے، ڈالر کے مقابلے میں روپے پر دباؤسیاسی صورتحال کی وجہ سے ہے۔ اسلام آباد میں وزیر دفاع خواجہ آصف کے ساتھ پریس کانفرنس کرتے ہوئے ان کا کہنا تھا کہ پیٹرول، ڈیزل اور فرنس آئل کی درآمد کم ہوئی ہے، معیشت بہتر چل رہی ہے۔مفتاح اسماعیل نے کہا کہ اس مہینے درآمدات میں کمی ہوئی، اسٹیٹ بینک نے پابندیاں لگائی ہیں اس سے درآمدات میں کمی ہوئی، آگے جاکر مزید کمی ہوگی،جب سے حکومت نے اعلان کیا کہ ہم نہیں جارہے ہیں اس وقت سے مارکیٹ میں ٹھہراؤ آیا ہے جس سے روپے پر دباؤکم ہوگا۔
