کندھکوٹ(نمائندہ جسارت)شہر گندگی اور کچرا کنڈی کی لپیٹ میں، میونسپل کمیٹی کی عدم توجہ کے باعث شہر سیوریج کے پانی اور کوڑے کرکٹ کے ڈھیروں کی لپیٹ میں آگیا۔ اس موقع پر شہریوں کا کہنا ہے کہ مختلف وارڈوں میں میونسپل کمیٹی کی جانب سے کسی قسم کا کام نہیں کروایا جا رہا، گلیوں محلوں میں سیوریج کا پانی کچرے کے ڈھیر جمع ہیں ،میونسپل کمیٹی کے نااہل ٹی ایم او اور کرپٹ چیف سپروائزر نے صفائی کرنے والے عملے سے پیسے لے کر کھلی چھوٹ دے کر کام سے آزاد کیا ہوا ہے جب میونسپل کمیٹی کے سی ایم او اور چیف سپروائزر ہی کرپٹ ہیں تو وہاں کام کیا ہوگا؟ وہاں تو گلیوں محلوں میں گندگی ہی گندگی ہو گی، وارڈ نمبر 12 سمیت دیگر وارڈوں کی صفائی کرنے والی مقرر ٹیم سے چیف سپروائزر منیر احمد ملک نے پیسوں کی خاطر انہیں ویزا پر بھیجا ہوا ہے عوام کے لیے روڈ راستے سے گزرنا عذاب ہو گیا۔شہریوں نے وزیر اعلیٰ سندھ سید مراد علی شاہ اور دیگر حکام سے مطالبہ کرتے ہوئے کہا کہ نااہل سی ایم او اور کرپٹ چیف سپروائزر کو ہٹا کر ہمیں گندگی جیسے عذاب سے بچایا جائے۔
