اسلام آباد(صباح نیوز) ہاکستان تحریک انصاف کی مرکزی نائب صدر شیریں مزاری نے الزام عائد کیا ہے کہ ن لیگ کا ووٹرکہیں نظر نہیں آیا،گلوبٹ دکھائی دے رہے ، پنجاب کے ضمنی انتخابات میں ہماری خواتین کو پولنگ سٹیشنز سے باہر نکال کر زبردستی ووٹ ڈالا جا رہا ہے۔اسلام آباد میں میڈیا سے گفتگو کرتے ہوئے تحریک انصاف کی رہنما شیریں مزاری نے کہا کہ مسلم لیگ( ن) کا ووٹر کہیں نظر نہیں آرہا لیکن گلو بٹ دکھائی دے رہے ہیں، چیف الیکشن کمشنر کو شرم آنی چاہیے، دھاندلیوں کی کوششوں میں آپ کو جواب دینا پڑے گا، زلفی بخاری کے پیچھے آپ نے پولیس لگائی ہوئی ہے جبکہ علی امین گنڈاپور سے آپ گھبرائے ہوئے ہیں، ہم آپ کو قانون کے دائرے میں لائیں گے۔ انہوں نے کہا کہ ہماری خواتین ورکرز اور مرد حضرات ووٹ ڈال رہے ہیں، یہ مستقبل کا الیکشن ہے۔ ہمارے لوگ آپکا مقابلہ کریں گے، اگر تشدد کیا گیا ہم خاموش نہیں رہیں گے۔
