پشاور(آن لائن)وزیراعلیٰ خیبرپختونخوا محمود خان کی زیر صدارت صوبے کے اہم رہائشی منصوبے نیو پشاور ویلی کے حوالے سے ایک اہم اجلاس گزشتہ روز وزیراعلیٰ ہاؤس پشاور میں منعقد ہوا۔ اجلاس کو منصوبے پر عمل درآمد کے سلسلے میں اب تک کی پیشرفت اور جاری اقدامات کی تکمیل کے لیے مجوزہ ٹائم لائنز پر تفصیلی بریفنگ دی گئی۔ اجلاس کو آگاہ کیا گیا کہ لینڈ شیئرنگ فارمولے کے تحت زمین مالکان کے لیے پلاٹس کے انٹیمیشن لیٹرز تیار ہیں۔ منصوبے کے سائٹ آفس کے لیے اگلے 3،4رروز کے اندر مناسب جگہ کی نشاندہی کر لی جائے گی جبکہ سائٹ آفس کی تعمیر کے لیے پی سی ون بھی تیار کر لیا گیا ہے۔ اجلاس کو مزید آگاہ کیا گیا کہ اب تک موصول شدہ اراضی میں سے 13898کنال اراضی کی تصدیق کا عمل مکمل کیا جا چکا ہے۔
