مزید خبریں

تربیلا ڈیم میں پانی کا ذخیرہ 3 لاکھ 48 ہزار ایکڑ فٹ ہوگیا

اسلام آباد (صباح نیوز) واپڈا کے ترجمان نے بتایا ہے کہ تربیلا ڈیم میں پانی کی آمد 2 لاکھ 11 ہزار 700، اخراج 1 لاکھ 28 ہزار 200 کیوسک ہے جبکہ تربیلا ڈیم میں اتوار کو پانی کا ذخیرہ 3 لاکھ 48 ہزار ایکڑ فٹ تھا۔ اپنے بیان میں واپڈا کے ترجمان نے بتایا کہ منگلا ڈیم میں پانی کی آمد 44 ہزار 800 کیوسک، اخراج 20 ہزار کیوسک ہے جبکہ چشمہ میں پانی کی آمد 1 لاکھ 62 ہزار 100 اور اخراج 1 لاکھ 55 ہزار کیوسک ہے۔ ہیڈ مرالہ چناب میں پانی کی آمد 71 ہزار 400 کیوسک اور اخراج 49 ہزار کیوسک ہے جبکہ نوشہرہ کے مقام پر دریائے کابل میں پانی کی آمد اور اخراج 40 ہزار 600 کیوسک ہے۔ انہوں نے کہا کہ منگلا ڈیم میں پانی کا ذخیرہ 4 لاکھ 26 ہزار ایکڑ فٹ جبکہ چشمہ میں پانی کا ذخیرہ 47 ہزار ایکڑ فٹ رہا۔ ترجمان واپڈا نے مزید کہا کہ تربیلا، منگلا اور چشمہ میں پانی کا مجموعی ذخیرہ 8 لاکھ 21 ہزار ایکڑ فٹ ہے۔