مزید خبریں

ازبکستان کی پاکستان سے افغانستان کے راستے پہلی محفوظ کارگو ٹرانزٹ

تاشقند (صباح نیوز) ازبکستان کی وزارت ٹرانسپورٹ نے کہا ہے کہ ازبکستان نے ایک ہفتہ طویل راستے میں پاکستانی بندرگاہ سے افغانستان کے راستے پہلی محفوظ کارگو ٹرانزٹ کی ہے۔ ازبکستان کی وزارت ٹرانسپورٹ کے مطابق ازبک ڈرائیورز نے کراچی کی بندرگاہ سے فریز شدہ گوشت تاشقند پہنچانے کیلیے کراچی، پشاور، کابل، مزار شریف، ترمز سے ہوتے ہوئے 2 ہزار 760 کلومیٹر کا سفر کیا۔ سہ فریقی کوششوں سے اس ٹرانسپورٹ کوریڈور کے ذریعے ازبکستان، افغانستان اور پاکستان کے علاقوں سے کم سے کم وقت میں اور محفوظ طریقے سے سامان کی ترسیل کو ممکن بنایا گیا ہے۔ ازبک وزارت ٹرانسپورٹ نے بتایا کہ ازبک صدر کی جانب سے جاری ایک فعال خارجہ پالیسی کی بدولت ازبکستان اور پاکستان کے تعلقات ترقی کی نئی سطح پر پہنچ گئے ہیں۔ پاکستان کے ساتھ نقل و حمل اور لاجسٹکس تعاون کو بڑھانے کیلیے جاری منصوبے ازبکستان اور پاکستان کے اقتصادی تعلقات کی توسیع کیلیے اہم اہمیت کے حامل ہیں جو کہ ایک نئی رفتار سے ترقی کر رہے ہیں۔ ازبکستان طالبان کے دوبارہ اقتدار میں آنے کے بعد سے افغانستان کے راستے نقل و حمل کے منصوبوں کو فروغ دے رہا ہے۔