کراچی (اسٹاف رپورٹر) وفاقی اردو یونیورسٹی گلشن اقبال کیمپس میں 2 طلبہ تنظیموں میں تصادم کے دوران متعدد افراد زخمی ہوگئے۔ یونیورسٹی ذرائع کا کہنا ہے کہ بی ایس سی کیمپس کے باہر دو طلبہ تنظیموں نے ایک دوسرے پر حملہ کردیا۔ ذرائع نے بتایا کہ لاٹھیوں اور ڈنڈے کے وار سے متعدد افراد زخمی ہوگئے، تاہم علاقہ پولیس اور رینجرز نے صورتحال پر قابو پالیا۔یونیورسٹی حکام کے مطابق جامعہ میں ریگولر کے پرچے جاری ہیں۔ادھر پولیس حکام کا کہنا ہے کہ واقعے میں ملوث ایک طلبہ تنظیم کے 8 افراد کو حراست میں لے لیا گیا ہے۔ پولیس کے مطابق دوسری تنظیم کے دو کارکنان زخمی ہوئے۔
