مزید خبریں

Jamaat e islami

وزیراعظم کاجنرل باجوہ ‘مفتاح اسماعیل ‘بلاول ‘حنا ر بانی کو فون

اسلام آباد (مانیٹر نگ ڈ یسک ) وزیراعظم شہباز شریف نے آرمی چیف جنرل قمر جاوید باجوہ کو ٹیلیفون کیا اور فیٹف کی گرے لسٹ سے متعلق شرائط مکمل ہونے کے اعلان پر مبارکباد دیتے ہوئے جنرل ہیڈکوارٹرز (جی ایچ کیو) میں کور سیل کے قیام کے سپہ سالار کے فیصلے کو سراہا۔وزیراعظم شہباز شریف نے فنانشل ایکشن ٹاسک فورس (فیٹف) کی شرائط مکمل ہونے پر پاکستان کی کامیابی پر تمام متعلقہ عہدیداروں کو ٹیلی فون کیے اور ملکی اہم کامیابی پر مبارک دی۔وزیراعظم نے وزیر خارجہ بلاول زرداری کو ٹیلی فون کیا اور فیٹف کی گرے لسٹ سے پاکستان کانام نکلنے کے عمل پر کوششوں کو سراہا۔شہباز شریف نے آرمی چیف جنرل قمر جاوید باجوہ کو بھی ٹیلی فون کیا اور فیٹف کی گرے لسٹ سے متعلق شرائط مکمل ہونے کے اعلان پر مبارکباد دی جبکہ وزیراعظم نے جنرل ہیڈکوارٹرز (جی ایچ کیو) میں کور سیل کے قیام کے آرمی چیف کے فیصلے کو سراہا۔وزیراعظم نے کہا کہ کور سیل میں شامل سول اور ملٹری قیادت اور ٹیم کو شاباش دیتا ہوں، پاکستان کی جیت کے لیے کام کرنے والے ٹیم کے ہر فرد ہو قوم کو فخر ہے۔اسی دوران شہباز شریف نے وزیر خزانہ مفتاح اسماعیل اور وزیر مملکت خارجہ حنا ربانی کھر کو بھی ٹیلیفون کیا اور وزیر خزانہ، وزیر مملکت برائے خارجہ اور ان کی ٹیم کو بھی خراج تحسین پیش کیا اور شاباش دی۔