لاہور (آن لائن)مقامی عدالت نے پنجاب اسمبلی ہنگامہ آرائی کے مقدمہ میں نو اراکین اسمبلی کی عبوری ضمانتوںمیں27جون تک توسیع کر دی ۔ ایڈیشنل سیشن جج یاسین موہل نے درخواستوںپر سماعت کی ۔دوران سماعت سبطین خان ، میاں اسلم اقبال ، مسرت جمشید اور جمشید چیمہ ،ندیم عباس بارا ، مراد راس ، ڈاکٹر یاسمین راشد ،میاں محمود الرشید سمیت دیگر اراکین اسمبلی پنجاب اسمبلی ہنگامہ آرائی کے تھانہ قلعہ گجر سنگھ میں درج مقدمے میں عدالت میں پیش ہوئے ۔عدالت نے 9 ارکان اسمبلی کی عبوری ضمانت میں 27 جون تک توسیع کر دی ۔ عدالت نے کہا کہ باقی ارکان کہاں ہیں،وقت پر حاضری مکمل کروایا کریں ،قوم نے آپ سے سیکھنا ہے ۔ تحریک انصاف کے وکیل نے کہا کہ رات کو دہشتگردی کی ایک اور ایف آئی آر درج کر دی گئی ہے ۔ عدالت نے پی ٹی آئی کے وکلا ء کو حتمی دلائل کیلیے کیس کو انتظار میں رکھ دیا ۔ عدالت نے پولیس کو 9 ارکان پنجاب اسمبلی کو گرفتار کرنے سے روکتے ہوئے شامل تفتیش ہونے کا حکم دے دیا ۔
