مزید خبریں

دنیا بھر میں بچوں سے مشقت لینے کا رجحان بڑھ رہا ہے‘ یونیسیف

نیویارک (انٹرنیشنل ڈیسک) اقوام متحدہ کے ادارہ برائے اطفال نے اپنی رپورٹ میں کہا ہے کہ دنیا بھر میں بچوں سے محنت مزدوری کرانے کے رجحان میں نمایاں طور پر اضافہ ہو رہا ہے۔ یونیسیف ک مطابق کورونا وبا کے نتیجے میں پیدا ہونے والی اقتصادی مشکلات کی وجہ سے 90لاکھ مزید لڑکے اور لڑکیاں محنت کرنے پر مجبور ہوجائیں گے۔ دنیا بھر میں پہلے ہی 16کروڑ بچے اسکول جانے کے بجائے مزدوری کر رہے ہیں۔ 2016 ء سے 2020 ء کے دوران اس تعداد میں 84لاکھ بچوں کا اضافہ ہوا تھا۔