بلدیاتی انتخابات میں کامیاب ہو کر شہر کو سنوار دیں گے، راہِ حق پارٹی

ٹنڈوالٰہیار(نمائندہ جسارت) پاکستان راہ حق پارٹی وارڈ نمبر 10 اور 14 کا مشترکہ اجلاس منعقد ہوا ۔ اجلاس سے خطاب کرتے ہوئے راہ حق پارٹی کے صوبائی رہنما سید سکندر شاہ نے کہا کہ بلدیاتی انتخابات میں کامیاب ہو کر شہر کو سنوار دیں گے ، مختلف سیاسی جماعتوں سے بات چیت جاری ہے ، کسی سیاسی جماعت کو ملک دشمن تصور نہیں کرتے ، سیاسی جماعتوں میں اصل مقابلہ خدمت کا ہوتا ہے کہ کون زیادہ بہتر انداز میں عوام کی خدمت کر سکتا ہے ۔ پاکستان راہ حق پارٹی کے پاس ٹنڈوالہیار میں بہترین ٹیم ورک موجود ہے الیکشن میں کامیاب ہو گئے تو ان شاء اللہ شہر کی ترقی کو پر لگ جائیں گے ۔